Ba al zenekien 1983.urtera arte errekak banatzen dituen bi auzoak inguruko herrietan zituztela udaletxeak? Batak Elgoibarren, besteak Mutrikun. Gaur egun Mendarok udaletxe propioa du eta auzoen artean zeuden liskarrak gutxitu dira. Ala ez? Ziur Mendaroko txokolatea bi auzoak batzen zituela, baina ba al dakizu Mendaroko txokolatea gaur egun famatua eta garestienetariko bat dela, baina lehen egunero jaten zutenez Saint Gerons, Elgorriaga edo Zahorretakoak jatea desiratzen zutela?
«Mendaron asko disfrutatu dugu» diote Mertxe Mugerza, Maribel Lazarbaster eta Mariasun Blaciak, Mendaro ezagutzeko aukera ematen diguten hiru mendarotar. Milesker hirurei eta Mendaroko zaharren egoitzari!
Kaixo Uruguaitik!
Lan polita baina zergatik ez duzue Euskal Herri osoko etsenpluak erran nahi baita:Lapurdi Nafarroa Zuberoa eta Biarnokoak?
Goraintziak.
Eskerrik asko Leonat! Momentuz Euskadiko herrietatik hazi gara elkarrizketak egiten baina proiektua zabalik dago oraindik 🙂 Gurekin harremanetan jartzen bazara, seguraski zure herriko nagusiak grabatzera joan ahal izango gara hilabete batzutan.
Kaixo!
Berriako azken orrialdeari esker zuen berri jakin eta Mendaroko adibidea ikustea pentsatu dut. Bertan parte hartu duten hiru emakumetik biren abizenak gaizki daude (Lazarobaster eta Ulazia dira Lazarbaster eta Blacia beharrean) … Seguru zuzentzea eskertuko luketela.
Mila esker.